*********************

25 October 2006

مناظر من أوروبا - داعية على الطريق 2

مصطفى صايم رمضان وخارج رايح على شغلة فى بلاد متعرفش ربنا ، يييه إية القرف دة اللهم ما إنى صائم ، يبص للناس بإمتعاض ويتعكر مزاجة طول اليوم فى الشغل
لا يا مصطفى دور إنت وشك ومتبصش على حاجة ، غض بصرك عشان يعرفوا إن المسلم مش فضولى وشره ويختلس النظرات ، وخليك عادى فى الشغل عشان محدش يقول صيامكم هيضرنا ، إديهم إنطباع إن الصيام لا يتعارض أبداً مع الشغل
*********************
عبد الرحمن طالع من السيكشن ولقى الواد الغلس دة جاى فى وشة وهو مش بيحبة عشان مش كويس ، قال هدور وشى وأعمل نفسى مش شايفة ، هيصاحبنى بأة فى الروحة والجاية
لا يا عبد الرحمن ، إبتسم فى وشة وقدم لة التحية ، قولة صباح الخير بإبتسامة وإنت ماشى وياريت لو تسألة عامل إية؟ كويس؟ أى خدمة؟ ، خليهم ياخدوا إنطباع إن المسلم شخصية ودودة وإجتماعية
**********************
عثمان ماشى فى الشارع فى أمان الله لقى واحد من أصحاب البلد - مواطن يعنى - بيوجة لة إنتقاد إنة قاعد فى بلدهم واكل شارب نايم شغال بياخد فلوس منهم وإنة شخص غير مرغوب فيه ، عثمان إتنرفز وطلعت زعابيبة فى الشارع ووشة إحمر ورد علية وقالة إنت اللى عنصرى وستين عنصرى
لا يا عثمان إهدى وروق كدة ، لما حد منهم ينتقدك إبتسم وإشكرة على أدبة فى توجيه الإنتقاد لك ، خليهم ياخدوا فكرة عننا إننا متسامحين متقبلين النقد والرأى الآخر بروح سمحة ولو كانت الفرصة متاحة إتناقش معاه بدون ما تتوتر خالص
*************************
محمود بيدردش مع زميلة الأجنبى والحوار دلف للأديان وأعرب زميلة إنة مش مقتنع بوجود إله ولا يقتنع بالإسلام بالذات ، محمود إتضايق ووشة إتغير وأخد بعضة ومشى
لا يا محمود ، إبتسم برضة وإتناقش معاه وفهمة وقولة لية ، ولو فيه حاجة معرفتش ترد عليه فيها إوعدة إنك هتسأل وهترد علية
*************************
عبد الفتاح دخل المسجد ولقى فيه 5 مصليين فى صلاة العشاء مع إن المنطقة المحيطة كلها مسلمين وطلبة وأسر لكن محدش للأسف بييجى المسجد ، قال وأنا مالى إحنا فى بلاد الحرية، كل واحد حر فى اللى عاوز يعملة وفى علاقتة بربة
لا يا عبدة مش صح ، روح ولف على الناس اللى إنت تعرفهم وقولهم إنتو كنتم بتيجوا المسجد ودلوقتى لأ لية ؟؟ أنا عارف إنكم مشغولين فى الدراسة والشغل ربنا يقويكم ، بس لو صلاة واحدة بس فى المسجد يومياً تحرصوا عليها يبقى ممتاز ، ولما ييجوا يصلوا فى المسجد تبقى تاخدهم وتروحوا لباقى الناس اللى إنت متعرفهمش وإدعوهم للمسجد

22 October 2006

مناظر من أوروبا - داعية على الطريق 1

أحمد مستعجل وعاوز يعدى الشارع والعربيات بتجرى - أصل الإشارة خضراء - ومن نص الشارع

- لا يا أحمد الخواجات لازم ياخدوا إنطباع كويس عن العرب والمسلمين، عدى لما الإشارة تكون حمرا للعربيات ومن مكان عيور المشاة حتى لو مستعجل

*********************************

محمد خارج من السوبر ماركت وأدامة ست عجوزة شايلة شنط تقيلة ، محمد فى سرة "ربنا معاكى بقى"

- لا يا محمد إرجع وإعرض عليها توصل لها الشنط للبيت ، غالباً هتوافق إنك تساعدها ، هتشكرك وهتسألك عن إسمك ، قولها بصوت واضح ومسموع "محمد"

*******************************

"على" بيزور زميلة النص خواجة والنص عربى - ولوالدين مسلمين - لقى عندة طفاية السجاير مليانة لآخرها ولما سألة إنت بتشرب سجاير لية ، كان رد زميلة إن صحابة كانوا عندة إمبارح وهو متعود يشرب وهم هنا عشان يعرف يكون مرح ، عادة يعنى ، ضحك "على" وقالة لازم تدمر العلبة يعنى

- لا يا "على" لازم تقولة وتفهمة إن مفيش حاجة عادة ، إحنا اللى بنعود نفسنا على فنجان القهوة الصبح وعلى السيجارة وعلى السهر وعلى التكاسل وعلى كل حاجة وفى إيدنا نغيرها بدليل إننا بنصوم ولا بنشرب ولا بناكل مع إننا بنكون جعانين ، يعنى زى ما بنعود نفسنا عن الإمساك عن الأكل والشرب بمنتهى السهولة نعودها عن الإمساك عن السجاير علطول

********************************

خالد صحى من النوم غسل وشة ورتب لحيتة وراح على كليتة بوش عبوس- لسة صاحى بقى ومحطش حاجة فى بؤة - يركب المترو بوش عابس يدخل المحاضرة وحواجبة تمانية مقلوبة

- لا يا خالد إبتسم ، خللى الأجانب ياخدوا فكرة إن المسلم الملتحى اللى شبة بن لادن بيبتسم برضة بيحب الحياة ، غير لهم فكرة إن الملتحى إرهابى وحش كاره للحياة كاره للناس وكارة لغير المسلمين

18 October 2006

هل تريد أن ترى ؟؟؟

جزيرة الكنز
عاوز تشوف الجنة
تشوف الرسول وتجلس بجوارة
ويسلم عليك أبا بكر
ويعانقك عمر بن الخطاب
ترى عثمان بن عفان
ويسلم عليك على بن أبى طالب
و..و.و.وو..وو..وو
زور اللينكات دة

15 October 2006

كن داعياً

عمرو خالد فى حلقة جميلة جداً عنوانها الدعوة إلى الله
شوفها وقول رأيك

إتبرع بحياة

بنك دم إليكترونى


الموضوع إن جمعية الروان فى إسكندرية متبنية فكرة
جديدة طازة على النت وهى التبرع بالحياة وعاملين بانر لذيذ لهم



الفكرة بتاعتهم قايمة على إية
ممكن تعرف خلال الموضوع دة









13 October 2006

إذاعة جديدة على النت

نخش فى الموضوع وفى المختصر المفيد
مجموعة شباب آه برضة شباب حكم الشباب هم اللى بيعملوا كل حاجة اليومين دول واليومين اللى جايين كمان إن شاء الله

كنا بنقول إية

آه
مجموعة شباب عاوزين يعملوا محطة إذاعية على النت وبيدوروا على حد يساعدهم تقنياً وعملياً
يعنى كل واحد عندة خيرة أو فكرة فى حاجة معينة ميبخلش عليهم

الشباب دة ممكن تروحلهم من هنا

22 June 2006

إعلانات سمنة

زى ما وعدت كل أصدقائى هقلبها إعلانات سمنة وخلينا ماشيين جنب الحيط وبلاش وجع دماغ


فيه ناس مش فاهمة أنا بتكلم على إية


أنا بتكلم على دة

بالمختصر كدة أنشأت أمن الدولة قسم جديد إسمة مكتب مكافحة المدونين وقائدة هو وليد الدسوقى بيه
وسيكون التهم الموجهه للمدونين تقريبا كما تأتي
وضع بنرات للدعايه لمظاهرات ومسيرات وإعتصامات بدون أخذ تصريح
التحريض علي قلب نظام الحكم في مصر
إهانه رئيس الجمهوريه عن طريق كتابات علي الشبكه العنكبوتيه
ترديد معلومات ومقالات وبانرات من شأنها تكدير الشأن العام
إن شاء مواقع تهدف إلي الإضرار بالحاله الأمنيه داخل البلاد

يا جماعة ماله الحزب الوطنى

حد قال حاجة

ومن النهاردة بعلنها أهه أنا لا ليا دعوة بالسياسة وللا بماما مبارك ولا بابا سوزان

أنا مالى ومال السياسة أنا لا أعرفها ولا أعرف سكتها وبرئ منها

اللى فات مات خلاص ونعتبرها شقاوة لسان ونفتح صفحة جديدة مع الحكومة

صافى يا لبن حليب يا قشطة


وبناشد كل مدون إنة يسيب التدوين ويشوف لة شركة سمنة ينزل إعلاناتها عندة وإلى كل شركات السمنة اللى فى المحروسة

رجاء ونداء حار التعاون مع إخوانكم المدونين


اللهم بلغت اللهم فإشهد


وآدى إعلان السمنة بتاعى



19 June 2006

وائل عباس أصحك الله سنك



كنت بلف على المدونات ودخلت عند وائل عباس وطبعاً نفسى إتقطع وراه كالعادة عشان أخلص الأخبار بتاعتة المهم وصلت لخبر بيعلن فيه

عن القنوات الفضائية اللى بتذيع كاس العالم نكاية فى الشيخ صالح كامل

مطولش عليكم وصلت لغاية ما بيكتب أسماء القنوات الألمانية بالعربى وفطست على نفسى من الضحك من تعليقة الظريف دة


شوفوا كدة





معلش يا أبو وائل بس تعليقك عجبنى موووووووت


أغنية الله معاك من المعتقلين

مفيش مجرد سمعتها وعجبتنى قلت أسمعها لكم إنتو كمان

مكان تواجد الزوار محركات بحث
Search for:
Search from:
Script by
Jari Aarniala, foo@mbnet.fi